بەهۆی هەڵاتنی چەند راوچییەک لە سنووری هەورامان، حەوت پۆلیسی ژینگە و دارستانی هەڵەبجە دەستگیرکراون.
پەیامنێری تۆڕی میدیایی ئێستا لە هەڵەبجە گواستییەوە، دوایئەوەی فەرمانی دەستگیرکردن بۆ ژمارەیەک لە راوچی لە سنووری هەورامان دەرچوو، سەرجەمیان هەڵاتوون.
ئاماژەی بەوەشکرد، دوای رووداوەکە بە فەرمانی دادوەری دادگای هەڵەبجە، بڕیاری دەستگیرکردن بۆ حەوت پۆلیسی ژینگە و دارستانی هەڵەبجە دەرچووە، لە ئێستادا بڕیارەکە چووەتە بواری جێبەجێکردنەوە و پۆلیسەکان دەستبەسەرکراون و لێکۆڵینەوە لەگەڵیاندا دەستیپێکردووە.
