پەرلەمانتارێکی هەرێم رایگەیاند، لە کارەبای 24 کاتژمێریدا رەچاوی دۆخی هاوڵاتییان نەکراوە و نرخەکەی توشی رەتکردنەوەی سەرتاسەریی خەڵکی هەرێمی کوردستان دەبێت.
عەلی حەمەساڵح، ئەندامی پەرلەمانی کوردستان رایگەیاند، ئەم نرخەی ئێستا بۆ کارەبای 24 کاتژمێری دانراوە ئێجگار گرانە و رەچاوی دۆخ و بژێویی هاوڵاتییان نەکراوە.
وتیشی، تا 750 کیلۆوات، کە کەمترە لە پێنج ئەمپێر 80 هەزار دینار دانراوە؛ ئەگەر 900 کیلۆوات بەکاربهێندرێت، بۆ هەر کیلۆواتێک 166 دینارە، ناکرێت خۆت بە 40 دینار بیکڕیت و 166 دینار لە هاوڵاتییان وەربگریت.
ئەو پەرلەمانتارە پێشبینیشدەکات، نرخی کارەبا توشی رەتکردنەوەی سەرتاسەریی خەڵکی هەرێمی کوردستان ببێت و دەشڵێت، پێویستە پێش بڕیاردان، ئەنجومەنی وەزیران جارێکیتر پێداچوونەوە بە نرخەکەیدا بکات.
