بەڕێوەبەرایەتیی هاتوچۆی سۆران رایدەگەیەنێت، لە دووسایدی جوندیان رووداوێکی هاتوچۆ روویدا و کەسێک بە سەختی برینداربوو.
هاتوچۆی سۆران لە راگەیەندراوێکدا بڵاویکردەوە، رووداوێکی ھاتوچۆ لە جۆری لێکدان لەنێوان ئۆتۆمبێلێکی جۆری کیا مۆتۆرس (دوو تەنی) و تۆیۆتا لاندگرۆزەر، لە دووسایدی جوندیان بەرامبەر مارینۆس لە شاری سۆران.
دەشڵێت، جگە لە زیانی ماددی، شۆفێری کیا مۆتۆرس-ەکە بەسەختی بریندار بوو.
بەڕێوەبەرایەتییەکە داواش لە شۆفێران دەکات، پابەندی خێرایی دیاریکراو بن، هاوکار و یارمەتیدەری یەکتر بن بۆ سەلامەتیی هەموو لایەک .
