ئەمڕۆ خوێندکارانی ماستەر و دکتۆرا لە هەولێر دژی ئەنجمدانی تاقیکردنەوە بە زمانی ئینگلیزی گردبوونەوە.
سەڵاح عەلی، نوێنەری ئەو خوێندکارانە لە کۆنفرانسێکی رۆژنامەوانیدا رایگەیاند، خوێندنی زانکۆ و تاقیکردنەوەکانمان بە زمانی ئینگلیزی نەبووە، بۆچی دەبێت تاقیکردنەوەی ماستەر و دکتۆرا بەو زمانە بێت؟، ئەو سیستمە لە ئاستی ئێمەدا نییە.
ئاماژەی بەوەش کرد، داواکارین تاقیکردنەوەی کۆتایی بۆ هەر ئاستێک لاببرێت، چونکە بەپێی بەدواداچوونەکانمان سیستمەکە لە 35 وڵاتدا پەیڕەودەکرێت و لە هیچ کام لەو وڵاتانەدا تاقیکردنەوەی کۆتایی ئەنجامنادرێت.
