بانکی ناوەندیی عێراق راگەیاندراوێکی بڵاوکردەوە و تیایدا روونیکردووەتەوە، کە پێدانی دۆلار بە نرخی 132 هەزار دینار تایبەت بە گەشتیاران بەردەوامە و رانەگیراوە.
بانکی ناوەندیی عێراق رایگەیاند، لە ئێستادا پێدانی دۆلار بە گەشتیاران بە نرخی 132 هەزار دینار بەرامبەر 100 دۆلاری ئەمریکی بەردەوامە و کار بە بڕیارەکە دەکرێت.
ئاماژەی بەوەشداوە، ئەو هەواڵ و دەنگۆیانەی باس لە راگرتنی دۆلار بە گەشتیاران دەکەن بە نرخی هەزار و 320 دینار بۆ هەر دۆلارێک، دوورن لە راستییەوە، چونکە لە ئێستادا پرۆسەکە بە ئاسایی بەڕێوەدەچێت.
ئەوەشی خستووەتەڕوو، پڕۆسەی دابینکردنی دۆلار بە گەشتیاران لە رێگای سیستەمێکی مۆدێرن و گونجاوەوە لە سەرجەم فڕۆکەخانەکانی عێراقدا بەڕێوەدەچێت.
