سەرۆكایەتیی شارەوانیی سلێمانی رایدەگەیەنێت، ناشتنی مردوو لە گۆڕستانی نوێی شاری سلێمانی بێبەرامبەرە.
بەپێی راگەیەندراوێكی سەرۆكایەتیی شارەوانیی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، شارەوانیی سلێمانی ئاگاداری هاوڵاتییان دەكات كە ناشتنی (مردوو ) لە گۆڕستانی نوێی سلێمانی، كە دەكەوێتە رۆژهەڵاتی سلێمانییەوە لە نزیك پڕۆژەی نیشتەجێیی شاری مامۆستایان بێبەرامبەرە.
ئاماژە بۆ ئەوەش كراوە، بە (شەو و رۆژ) گۆڕستانەكە كراوەیە، و كاری هەڵكەندنی گۆڕ دەكرێت بەبێ وەرگرتنی هیچ بڕە پارەیەك.
