پۆلیسی دارستان و ژینگەی سلێمانی رایگەیاند، چوار هاوڵاتی لەکاتی راوە ماسیدا دەستگیرکران و دەستبەسەر کەرەستەکانیشیاندا گیرا.
بەڕێوەبەرایەتیی پۆلیسی دارستان و ژینگەی پارێزگای سلێمانی رایگەیاند، دوای دەرچوونی هێزێکی بنکەی پۆلیسی دارستانی تەکیە بۆ سەر چەمی باسەڕە، توانرا چوار هاوڵاتی دەستگیربکرێت کە سەرقاڵی راوە ماسی بوون و دەستبەسەر کەرەستەکانیاندا گیرا.
ئاماژەی بەوەشدا، دوای دەستگیرکردنی هاوڵاتییەکان، راستەوخۆ دەستبەسەر سێ تۆڕی راوە ماسی، 26 ماسی راوکراو و دوو ماتۆرسکیلدا گیرا و پەڕاوی لێکۆڵینەوەش بۆ دەستگیرکراوان کراوەتەوە و رادەستی دادوەر کراون بۆ رێکاری یاسایی.
هاوکات، پێشتر وەزارەتی کشتوکاڵی هەرێمی کوردستان رایگەیاندبوو، لەرۆژی 20ی مانگی ئازارەوە بۆ ماوەی سێ مانگ راوە ماسی قەدەغەدەکرێت، هەر کەسێکیش پابەندی بڕیارەکە نەبێت رووبەرووی رێکاریی یاسایی دەبێتەوە.
