کەشناسیی هەرێم رایدەگەیەنێت، ئەمڕۆ لێزمەباران دەبێت و سبەی یەکشەممەش، پلەی گەرمی بەرزدەبێتەوە.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان بڵاویکردەوە، ئەمڕۆ شەممە، ئاسمان بەگشتى هەوری باراناوی دەبێت لە زۆربەی ناوچەکان، لە هەندێک کات و شوێندا، لێزمەباران دەبێت و هەورەتریشقەی لەگەڵدا دەبێت، لە درەنگانی شەودا، کەش سەقامگیر دەبێتەوە کاریگەریی ئەم شەپۆلە کۆیاییدێت.
ئاماژەی بەوەشکرد، پلەی گەرمی نزمدەبێتەوە بە (3-5) پلەی سیلیزی، بەراورد بە تۆمارەکانی دوێنێ .
لەبارەی کەش و پلەی گەرمیی سبەی یەکشەممەوە، کەشناسی دەڵێت، ئاسمان ساماڵ بۆ نیمچەهەور دەبێت و پلەی گەرمییش، بە (1 – 2) پلەی سیلیزی بەراورد بە تۆمارەکانی ئەمڕۆ بەرزدەبێتەوە.
بەرزترین پلەکانی گەرمای پێشبینیکراو بە پلەی سیلیزی
هەولێر : 25 پلەی سیلیزی
سلێمانی : 22پلەی سیلیزی
دهۆک : 23 پلەی سیلیزی
کەرکوک : 27 پلەی سیلیزی
زاخۆ : 24 پلەی سیلیزی
هەڵەبجە : 21 پلەی سیلیزی
سۆران : 21 پلەی سیلیزی
حاجی ئۆمەران : 16 پلەی سیلیزی
گەرمیان :29 پلەی سیلیزی
