بەڕێوەبەرایەتیی گشتیی دژەتیرۆر رایدەگەیەنێت، پاڵپشت بە زانیاریی هەواڵگریی ورد و بەدواداچوونی بەردەوامی تیمە تایبەتەكانمان، هێزەكانی بەڕێوەبەرایەتیی گشتیی دژەتیرۆر توانیان ژمارەیەك تیرۆریست لە چەند شوێنێكی جیاوازی سنووری قەزای شارەزوور دەستگیربكەن.
لە راگەیەندراوەكەدا هاتووە، دەستگیركراوەكان خەڵكی پارێزگاكانی بەغداد و دیالەبوون، كاری لۆجستی و دابینكردنی كەرەستەیان بۆ شانە نووستوو و چالاكەكانی تیرۆریستانی داعش كردووە، دوای ئاشكرابوونیان لەلایەن دەزگا ئەمنییەكانی عێراقەوە بەرەو هەرێمی كوردستان هەڵاتوون و لە سنووری شارەزوور نیشتەجێبوون.
ئەوەش خراوەتەڕوو، دوای دەستگیركردنیان دەستبەجێ رادەستی یاساكران بەمەبەستی سزادانیان.
