وتەبێژی گەشتوگوزاری سلێمانی رایگەیاند، لە سێ رۆژی جەژنی رەمەزاندا 50 هەزار گەشتیار روویان لە سلێمانی کردووە.
گۆران قادر وتەبێژی گەشتوگوزاری سلێمانی بە تۆڕی میدیایی ئێستای راگەیاند، پلانی رۆژانی نەورۆز و جەژنی رەمەزان بە سەرکەوتوویی جێبەجێکرد، لە هەردوو دەروازە سەرەکییەکەی سلێمانی پێشوازیمان لە گەشتیاران کرد و رێنمایی پێویستمان پێدان.
ئاماژەی بەوەشکرد، لە هەر سێ رۆژی جەژنی رەمەزاندا نزیکەی 50 هەزار گەشتیار روویان لە پارێزگای سلێمانی کردووە.
جەختیشیکردەوە، لەبەرئەوەی پشووی رۆژانی جەژن ئەمڕۆ و سبەینێشی لەسەرە چاوەڕێدەکرێت ژمارەی گەشتیاران روو لە بەرزبوونەوە بکات.
