بەڕێوەبەرایەتیی پۆلیسی سلێمانی دەستگیرکردنی 9 دەرۆزەکەری راگەیاند کە لە شەقامەکان سەرقاڵی کاری دەرۆزەکەری بوون.
بەڕێوەبەرایەتیی پۆلیسی سلێمانی بڵاویکردەوە، لە چوارچێوەی هەڵمەتی دەستگیركردنی دەرۆزەکەران لە شاری سلێمانی، مەفرەزەكانی بەشی پۆلیسی نەهێشتنی تاوانی سەر بە بەڕێوەبەرایەتیمان، 9 دەرۆزەکەریان دەستگیرکرد کە لەشەقام و شوێنە گشتییەکان کاری دەرۆزەکەریان دەکرد.
ئاماژەی بەوەشکرد، دەستگیرکراوەکان سەرجەمیان كە خەڵکی دەرەوەی شاری سلێمانین، بە بڕیاری دادوەری تایبەتمەند راگیراون و پەڕاوی لێكۆڵینەوەیان بۆ كراوەتەوە.
جەختیشیکردەوە، هەڵمەتی دەستگیركردنی ئەو كەسانەی كە كاری دەرۆزەكردن دەكەن بەردەوام دەبێت و دەرۆزەكەران دەستگیردەكرێن و ڕووبەڕووی یاسا دەكرێنەوە.
