وەزارەتى کارەباى هەرێم رایدەگەیەنێت، رۆژانى جەژن لەنێوان 18 بۆ 20 کاتژمێر کارەبا بە هاوڵاتییان دەدرێت.
وەزارەتى کارەباى هەرێم لە بڵاوکراوەیەکدا رایگەیاند، لەهەر سێ رۆژی جەژنی رەمەزاندا بەپشتبەستن بە نزیكەی چوار هەزار مێگاوات كارەبا، رۆژانە 18-20 كاتژمێر كارەبا بە هاوڵاتییان دەدرێت.
دەشڵێت، زیاتر لە حەوت هەزار كرێكار و فەرمانبەری كارەبا لە بەڕێوەبەرایەتییەكانی كۆنتڕۆڵی كارەبای هەرێم و كۆنتڕۆڵی كارەبای پارێزگاكان و وێستگەكانی بەرهەمهێنان و گواستنەوە و دابەشكردنی كارەبا و سیانەكان و پۆلیسی كارەبا لە سەرجەم پارێزگا و ئیدارە سەربەخۆكانی هەرێم بە شێوەی ئیشكگریی لە خزمەتی هاوڵاتیاندا دەبن.
