بەهۆی یارییە ئاگرینەكانەوە ئێوارەی دوێنێ 19 كەس لە دهۆك برینداربوون، بەڕێوەبەری نەخۆشخانەی فریاكەوتن دەڵێت، دووان لە برینداران ئەگەری هەیە چاویان لەدەستبدەن.
د. عەبدوڵا ئیحسان، بەڕێوەبەری نەخۆشخانەی فریاكەوتنی دهۆك بە تۆڕی میدیایی ئێستای راگەیاند، ئێوارەی دوێنێ بەهۆی یارییە ئاگرینەكانەوە 19 بریندار گەیەندراونەتە نەخۆشخانەكەیان.
وتیشی، “لەو ژمارەیە 17 برینداریان چارەسەریان بۆكراوە و نەخۆشخانەیان جێهێشتووە، بەڵام دووانیان هێڵدراونەتەوە”.
ئەو دوو بریندارە (تەمەن 16 ساڵ و 19 ساڵن) ئەگەری هەیە چاویان لەدەستبدەن، وەك ئەوەی بەڕێوەبەری نەخۆشخانەكە ئاماژەی پێدا و روونیكردەوە، یارییە ئاگرینەكان بە چاویاندا تەقیوەتەوە.
