وتەبێژی یەکێتیی نیشتمانیی کوردستان رایدەگەیەنێت، دەستخۆشی لە فراکسیۆنە کوردستانییەکانی ئەنجومەنی نوێنەرانی عیراق دەکات بۆ یەکڕیزییان لە تێپەڕاندنی پرۆژەیاسای بەپارێزگاکردنی هەڵەبجە.
سەعدی ئەحمەد پیرە، وتەبێژی یەکێتیی نیشتیمانیی کوردستان لە پەیامێکیدا رایگەیاند، دەستخۆشی لە فراکسیۆنە کوردستانییەکان لە ئەنجومەنی نوێنەران دەکەم بۆ یەکهەڵوێستی و یەکڕیزییان، بۆ بە رەسمی ناساندنی پارێزگای هەڵەبجە.
دەشڵێت، هەڵوێستی دژ بە هەڵەبجە، وەک جارێکیتر کیمیابارانکردنیەتی و مایەی شەرمەزارییە.
تائێستا پێنج جار پرۆژەیاسای بەپارێزگابوونی هەڵەبجە خراوەتە بەرنامەی کاری دانیشتنی ئەنجومەنی نوێنەرانی عێراقەوە، بەڵام تائێستا تێنەپەڕێندراوە.
