سەرۆك وەزیرانی عێراق ڕایدەگەیەنێت، بەمنزیكانە عێراق هەفتانە نزیكەی 400 هەزار ژەم ڤاكسینی دژ بە كۆرۆنا وەردەگرێت.
مستەفا كازمی، سەرۆك وەزیرانی عێراق ڕایگەیاند، هێزە شەڕكەرەكانی ئەمریكا لە كۆتایی ئەمساڵ دەگەڕێنەوە وڵاتەكەیان و، ئاماژەی بەوەشكرد كە پەیوەندی نێوان عێراق و ویلایەتە یەكگرتووەكان دەچێتە قۆناغێكی نوێوە.
كازمی، كە ئێستا بە سەردانێكی فەرمی لە ئەمریكایە، لەمیانەی چاوپێكەوتنێكی تەلەفزیۆنیدا وتیشی، “گفتوگۆی ستراتیژی ئەنجامی قۆناغێكی درێژە كە حكومەت ئەنجامیداوە و، گفتوگۆیە لەبارەی ئایندەی پەیوەندییەكانی عێراق ئەمریكا”.
سەرۆك وەزیرانی عێراق باسی لەوەشكرد، عێراق بەمنزیكانە هەفتانەی نزیكەی 400 هەزار ژەم ڤاكسینی جۆری فایزەر وەردەگرێت.
دوپاتیشیكردەوە، هەماهەنگی نێوان بەغداد و واشنتن تەنها لە بواری ئەمنیدا كورت نابێتەوە و، لەو چوارچێوەیەشدا ئاماژەی بەوەكرد كە ڕێكخراوەكانی ئەمریكا هاوكاربوون لە گێرانەوە پارچە ئاسەوارە عێراقییە لەدەستچووەكاندا.
