کارەبای سلێمانی رایگەیاند، کارەبای ژمارەی سەرپێچیکار بڕدران و لە داهاتووشدا هەڵمەتەکە بەردەوام دەبێت.
ئەمڕۆ چوارشەممە، بەڕێوەبەرایەتیی گشتی کارەبای سلێمانی رایگەیاند، کارەبای ژمارەیەک سەرپێچیکار بڕدران، کە لەماوەی رابردوودا زیادەڕەوییان کردبووە سەر تۆڕەکانی دابەشکردنی کارەبا.
ئاماژەی بەوەشدا، هەڵمەتەکە لە گەڕەکەکانی رزگاری و راپەرین ئەنجامدراوە کە تیایدا ئەو شوێنانەی زیادەڕەوییان کردووتە سەر تۆڕەکانی کارەبا و سەرپێچییان کردبوو سزادران.
ئەوەشی خستەڕوو، هەڵمەتەکەی کارەبای سلێمانی لە رۆژانی داهاتووشدا بەردەوامی دەبێت.
