کاربەدەستانی حکومەتی کۆریای باشوور رایدەگەیەنن، ئاگرێک لە دارستانەکانی شارۆچکەی ئویسۆنگ لە باشووری رۆژهەڵاتی وڵاتەکە کەوتووەتەوە و لە کۆنتڕۆڵ دەرچووە.
بەهۆی ئەو ئاگرەوە، لە ماوەی شەوێکدا زیاتر لە چوار هەزار هێکتار زەوی سووتاون و وەک دەسەڵاتدارانی ئەو وڵاتە دەڵێن، تا بەیانیی ئەمڕۆ، گەیشتووەتە 12 هەزار و 699 هێکتار، سەرەڕای هەوڵە بەرفراوانەکانی بەرگریی شارستانی بۆ کوژاندنەوەی ئاگرەکە.
بەرپرسان دەڵێن، بای بەهێزی چاوەڕواننەکراو و کەشوهەوای وشکی ئەو ناوچەیە، کارەکانی تیمەکانی ئاگرکوژێنەوەیان سەخت کردووە.
حکومەتی کۆریای باشوور دەڵێت، پلانیان هەیە ئەمڕۆ 77 هێلیکۆپتەر و سێ هەزار و 154 کارمەند کۆبکەنەوە بۆ کۆنتڕۆڵکردنی ئاگرەکە.
ناوچەی ئویسۆنگ کە ئاگرەکەی لێکەوتووەتەوە، نزیکەی 180 کیلۆمەتر لە شاری سیئۆل-ی پایتەختی کۆریای باشوورەوە دوورە.
