كۆمپانیایەكی یارییە ئەلیكترۆنییەكان داهاتەكەی بۆ هاوكاریكردنی ئۆكرانییەكان تەرخاندەكات

كۆمپانیای “فۆرتنایت” تایبەت بە بواری یارییە ئەلیكترۆنییەكان، هەڵمەتێكی كۆكردنەوەی كۆمەكی دارایی بۆ ئۆكرانیا دەستپێكردووە و داهاتی فرۆشی خۆی بۆ هاوكاریكردنی لێقەوماوانی ئۆكرانیا تەرخاندەكات، چەندین كۆمپانیا و ڕێكخراوی جیهانییش چوونەتەپاڵ هەڵمەتەكە.

كۆمپانیاكە لە 20ی ئەم مانگەوە هەڵمەتەكەی دەستپێكردووە و بڕیارە تا 3ی مانگی نیسانی داهاتوو بەردەوامبێت و دەڵێت، “تا ئێستا زیاتر لە 50 ملیۆن دۆلاری كۆكردووەتەوە كە 36 ملیۆن دۆلاری تەنها لە ماوەی 24 كاتژمێردا كۆكراوەتەوە”.

ئەو یارییە ڤیدیۆییەی كە كۆمپانیاكە بۆ یاریكەر و بەكارهێنەرانی دەستەبەركردووە، بە خۆڕاییە و هیچ بڕەپارەیەك لە بەكارهێنەر وەرناگیرێت، بەڵام لەناو یارییەكەدا بەكارهێنەر دەتوانێت بەشێوەی ئۆنڵاین ئەو كەرەستە و كەلوپەلە گریمانەییانە بكڕێت كە پێویستی پێیانە.

لەم ڕووەوە، كۆمپانیای “فۆرتنایت” ئاشكرایكردووە كە داهاتی ئەو كەرەسەتە و كەلوپەلانەی دەفرۆشرێن، ڕاستەوخۆ سەرباری هەڵمەتی كۆمەككردنەكە دەبێت و تەرخاندەكرێت بۆ هاوكاریكردنی لێقەوماوانی ئۆكرانیا كە بەهۆی جەنگەوە ڕووبەڕووی ئاوارەبوون و دۆخی نالەبار بوونەتەوە.

بەپێی ئەو زانیارییانەی كۆمپانیاكە لە ماڵپەڕی خۆی بڵاویكردوونەتەوە، تا ئێستا كۆمپانیای دروستكردنی ئامێرەكانی “ئێكس بۆكس” كە سەر بە كۆمپانیای “مایكرۆسۆفت”ـە، چووەتەپاڵ هەڵمەتەكە و بەشداریدەكات لە كۆكردنەوەی كۆمەك بۆ هاوكاریكردنی ئۆكرانییەكان.

هەروەها دەڵێت، “لە هەفتەی داهاتووەوە، ڕێكخراوی ‘دایرێكت ڕیلیڤ’ و ڕێكخراوەكانی یونسێف و پەنابەران و خۆراكی جیهانیی سەر بە نەتەوە یەكگرتووەكان، بەشداری لە هەڵمەتەكەدا دەكەن و هاوكاردەبن لە كۆكردنەوەی كۆمەك بۆ خەڵكی ئۆكرانیا”.

بابەتی پێشتر

بڕیارێكی پوتین نرخی ڕۆبڵ و نەوتی بەرزكردەوە و دۆلاری دابەزاند

بابەتی دواتر

گۆشتی چێندراو.. سوود و ڕێگرییەکانی بەردەم برەوپێدانی

بابەتی پەیوەندیدار
زیاتر ببینە

گوڕی بومەلەرزەكەی مەرەش 5.5 پلە بووە

بومەلەرزەیەكی تاڕادەیەك بەهێزی دیكە پارێزگای قارەمان مەرەشی توركیای گرتەوە. ئاژانسی رۆیتەرز لە زاری ناوەندی یۆرۆناوەند بۆ تۆماری بومەلەرزە…
Total
0
Share