رێکخراوی چاودێریی ئینتەرنێت “نێتبلۆکس” بەیانیی ئەمڕۆ سێشەممە رایگەیاند، “هێڵی ئینتەرنێت لە سەرانسەری سوریا پچڕا”.
ئاماژەی بەوەشکرد، “داتاکانی تۆڕەکە ئاماژە بە پچڕانی ئینتەرنێتی سەرتاسەری لە سوریا دەکەن، ئەمەش دەبێتە هۆی پچڕانی پەیوەندییەکان کە لە چەند شارێکی وڵاتەکەدا کاریگەریی زۆری دەبێت”.
تاوەکو ئێستا هۆکاری پچڕانی خزمەتگوزارییەکە ئاشکرا نەکراوە، ئەمە یەکەمجار نییە لە سەرەتای ئەمساڵەوە سوریا تووشی پچڕانی ئینتەرنێت دەبێت.
لە مانگی شوبات و سەرەتای مانگی ئازاردا، خزمەتگوزاریی ئینتەرنێت لە باشوور پچڕا، بەتایبەتی لە سوەیدا و دەرعا، میدیاکانی سوریا بڵاویانکردەوە کە پچڕانی ئینتەرنێت بەهۆی تێکدەرەکانەوە بووە.
لە مانگی یەکی ساڵی رابردووشدا لە دیمەشقی پایتەخت و لادێکانیدا پچڕانی کارەبا تۆمارکرا.
