هێزەكانی سوریای دیموكرات تێكشكاندنی ژمارەیەك فڕۆكەی بێفڕۆكەوانی توركیا و گروپە چەكدارەكان رادەگەیەنێت.
هێزەكانی سوریای دیموكرات (هەسەدە) لە بەیاننامەیەكدا ئاماژەی بەوەكردووە، هێرشێكی گروپە چەكدارەكانیان بۆسەر یەكێك لە خاڵە سەربازییەكانیان لە دەورووبەری بەنداوی تشرین پووچەڵكردووەتەوە و بەهۆی دروستبوونی شەڕوپێكدادان لە نێوان شەڕڤانان و گرووپە چەكدارەكان، سێ چەكدار كوژراون و دووانی دیكەش برینداربوون.
ئاماژە بۆ ئەوەش كراوە، هێزەكانمان تووانیوویانە شەش فڕۆكەی بێفڕۆكەوانی گروپە چەكدارەكان بخەنە خوارەوە، كە لە نێویاندا سێ فڕۆكەی بێفڕۆكەوانی خۆكوژی تێدابووە.
