بزووتنەوەی فەتح بە رەسمی داوای لە بزووتنەوەی حەماس كردووە خۆی لە دەسەڵاتی سیاسیی كەرتی غەززە دووربخاتەوە، ئەوەش بە مەبەستی پارێزگاریكردن لە مانەوەی گەلی فەڵەستین لەو ناوچەیە.
لەو بارەیەوە مونزیر حایك، وتەبێژی فەتح لە كەرتی غەززە، رایگەیاند، “جەنگی ئیسرائیل ئامانجی سەرەكی كۆتاییهێنانە بەبوون و مانەوەی فەڵەستینییەكان لە غەززە، بۆیە پێویستە حەماس هەڵوێستێكی مێژوویی وەربگرێت و لە گۆڕەپانی سیاسی و حكومڕانی دووربكەوێتەوە”.
وتەبێژی فەتح داوای لە حەماس كرد، بڕیاری ئازایانە لەبارەی چارەنووسی ژن و منداڵانی غەززە بدات و میهرەبانی پیشانبدات”، لەگەڵ ئاماژەدان بەوەی كە رۆژانی سەخت و دژوار لە پێشی دانیشتووانی كەرتەكەدایە.
