لە گوندێکی سنووری قەزای چەمچەماڵ شەڕ روویدا و بەهۆیەوە لایەنی کەم کەسێک کوژراوە و کەسێکیش برینداربووە.
رەمک رەمەزان قائیمقامی چەمچەماڵ بە تۆڕی میدیایی ئێستای راگەیاند، ئێوارەی ئەمڕۆ لە گوندی گۆشت قوت سەر بە قەزای چەمچەماڵ شەڕ لەنێوان دوو بنەماڵەدا دروستبووە و بەهۆیەوە کەسێک کوژراوە.
وتیشی، هەردوو بنەماڵەکە ئامۆزای یەکترن، ناکۆکییەکەیان لەسەر زەوی و زاربووە لە ئێستادا پۆلیس و لایەنە پەیوەندیدارەکان بەڕێوەن بۆ شوێنی رووداوەکە بە مەبەستی کۆنتڕۆڵکردنی دۆخەکە.
ئاشکراشیکرد، کوژراوەکە ناوی هێمن محەمەد سلێمانە لەدایکبووی ساڵی 1991ە، تەرمەکەی گواستراوەتەوە سەنتەری فریاکەوتنی نەخۆشخانەی شەهید پێشڕەو لە چەمچەماڵ.
