مەناع ئیبراهیم، جێگریی بەڕێوەبەری نەخۆشخانەی گشتیی کەرکوک بە تۆڕی میدیایی ئێستای راگەیاند، کەمێک لەمەوبەر ئەو منداڵە تەمەن 10 ساڵانەی مامی تۆمەتبارە بە ئەشکەنجەدانی و لە نەخۆشخانەکەی ئێمە چارەسەری بۆ دەکرا گیانیلەدەستدا.
ئاشکراشیکرد، منداڵەکە دوێنێ یەکشەممە گەیەندرایە نەخۆشخانە کە ئاسەواری ئەشکەنجەی بە جەستەوەبوو، بەهۆی سەختی برینەکەیەوە ئەمڕۆ گیانیلەدەستدا.
مەناع ئیبراهیم، وتیشی، “مامی دوای ئەوەی هاتووە بۆ سەردانی لە نەخۆشخانە بە تۆمەتی ئەشکەنجەدانی منداڵەکە دەستگیرکراوە”.
باسیلەوەشکرد، منداڵەکە عەرەبە، باوکی لە زیندانە و دایکی بەجێیهێشتوون، لەلایەن مامیەوە بەخێوکراوە.
