بافڵ جەلال تاڵەبانی سەرۆكی یەكێتیی نیشتمانیی كوردستان بەبۆنەی هاتنەوەی جەژنی نەورۆزی كوردان و سەری ساڵی نوێی كوردی، كە هاوكاتە لەگەڵ راپەڕینی كەركوكی قودسی كوردستان پەیامێكی بڵاوكردەوە و دەڵێت، “لە دڵەوە پیرۆزبایی گەرم لە كوردستانییانی خۆشەویست دەكەم و هیوای ئاشتی و ئارامی و شادمانی بۆ هەمووان دەخوازم.”
لە پەیامەكەی سەرۆكی یەكێتیدا هاتووە، “نەورۆز پەیامی نوێبوونەوە، تەبایی، پێكەوەیی، برایەتی و یەكڕیزیی كوردایەتییە بۆ گەیشتن بە ئازادی و سەربەخۆیی”.
لە كۆتایی پەیامەكەیدا سەرۆك بافڵ جەلال تاڵەبانی دەشڵێت، “هیوادارم ئەم نەورۆزە ببێتە هۆی ئاشتی، سەرخستن و پشتگیریكردنی دۆزی كورد لە هەموو شوێنێك، میللەتی كورد شایستەی ژیانێكی شەرەفمەندانەیە، با هەموومان پێكەوە شان بە شان هەوڵبدەین و كاربكەین بۆ ئاشتی هەمیشەیی بۆ گەلی كورد و سەرفرازیی بۆ كوردستان و نەورۆزتان پیرۆز، هەر شاد و سەربەرزبن”.
