دەستەی گشتیی کەشناسی و بومەلەرزەزانیی پێشبینییەکانی کەشوهەوای بۆ رۆژانی داهاتوو راگەیاند و دەڵێت، بارانبارین تا رۆژی یەکشەممەی داهاتوو بەردەوامدەبێت.
لە راگەیەندراوێکی دەستەکەدا هاتووە، سبەی هەینی، کەشوهەوا لە ناوچەکانی ناوەڕاستی عێراق و هەرێمی کوردستان، نیمچەهەور دەبێت، لەگەڵ بارانێکی کەم لە ناوچەکانی رۆژهەڵاتی وڵات، هەندێکجاریش رەشەبا دەبێت.
ئاماژەی بەوەشدا، رۆژی شەممە، له ناوچەکانی ناوەڕاست، نیمچەهەور دەبێت و لە ناوچەکانی باشوور و هەرێمی کوردستانیش، هەور دەبێت؛ پلەی گەرماش دابەزینێکی کەم بەخۆیەوە دەبینێت.
دەشڵێت، لەمڕۆوە تا رۆژی یەکشەممە، بارانبارین بەشێوەی پچڕپچڕ بەردەوامدەبێت و پلەکانی گەرماش لە سەرتاسەری عێراق نزیکدەبێتەوە لە تۆمارکراوەکانی ئەمڕۆ.
کەشناسیی عێراق دەڵێت، رۆژی دووشەممە کەشوهەوا ئاسایی دەبێتەوە و بەگشتی نیمچەهەور دەبێت، پلەکانی گەرماش کەمێک بەرزدەبنەوە.
