بەپێی ئەو زانیارییانەی بە تۆڕی میدیایی ئێستا دراون، لە سبەینێوە وردبینی لە لیستی مووچەی مانگی سێی مووچەخۆرانی هەرێمی كوردستان لەلایەن وەزارەتی دارایی عێراقەوە دەستپێدەكات.
ئێوارەی ئەمڕۆ وەزارەتی دارایی هەرێم راگەیەندراوێكی بڵاوكردەوە و ئاماژەی بۆ ئەوە كرد، لیستی مووچەی مانگی سێ رەوانەی وەزارەتی دارایی عێراق كراوە.
هەر بەپێی زانیارییەكان، وەزارەتی دارایی عێراق مووچەی مووچەخۆرانی عێراق بەر لە جەژنی رەمەزان دابەشدەكات و هەموو هەوڵەكان بەو ئاراستەن مووچەی مووچەخۆرانی هەرێمیش بۆ مانگی سێ بنێردرێـت و دابەشبكرێت.
