ئیسپانیا ئامادەیی بۆ کارکردن و بەرەوپێشبردنی کەرتی وزەی عێراق راگەیاند، لە رێگای کۆمپانیاکانییەوە.
زیاد عەلی وەزیری کارەبای عێراق لە کۆبوونەوەی لەگەڵ ئەلیزیا ریکۆ باڵیۆزی ئیسپانیا لە عێراق رایگەیاند، لە ئێستادا بە شێوەیەکی گرنگتر لە کەرتی وزەی عێراق دەروانین بە تایبەتی وزەی خاوێن، لە داهاتووشدا بە شێوەیەکی سەرەکی پشتی پێدەبەستین.
هاوکات، لە درێژەی کۆبوونەوەکەدا باڵیۆزی ئیسپانیا پاڵپشتی وڵاتەکەی بۆ بەرەوپێشبردنی کەرتی وزە بە گشتی و وزەی خاوێن بە تایبەتی لە عێراقدا دووپاتکردەوە و ئاماژەی بەوەدا، لەرێگای چەند کۆمپانیایەکی ئیسپانییەوە لە داهاتوودا پلانی کاری هاوبەش لە نێوان وڵاتەکە و عێراقدا لە ئارادایە.
ئاماژە بەوەشدراوە، گفتگووگۆی نێوان وەزیری کارەبا و باڵیۆزی ئیسپانیا لە چوارچێوەی پلانی بەهێزکردنی پەیوەندییە بازرگانی و دیبلۆماسییەکانی هەردوو ولاتدابووە.
