لەبارەی رەوانەكردنی لیستی مووچەی ئەم مانگەی مووچەخۆرانی هەرێم بۆ بەغداد، زانیاریی نوێ ئاشكرا دەكرێت.
سەرچاوەیەك لە وەزارەتی دارایی و ئابوریی هەرێم-ەوە بە تۆڕی میدیایی ئێستای راگەیاند، ئەمڕۆ لیستی مووچەی مووچەخۆرانی هەرێم رەوانەی بەغداد دەكرێت.
ئاماژەی بەوەشكرد، بەشێكی زۆر لە وەزارەت و بەڕێوەبەرایەتییەكان لیستی مووچەی مووچەخۆرانیان ئامادەكردووە، بەڵام بەشێك لە بەڕێوەبەرایەتییەكان بەهۆی تەواونەبوونی دەوامیانەوەهێشتا لیستی مووچەیان ئامادەنەكردووە و لەگەڵ تەواوبوونی دەوامی ئەمڕۆ؛ لیستی مووچە رەوانەی بەغداد دەكرێت.
جەختی لەوەشكردەوە، لیستی مووچەی ئەم مانگە بە سیتسمی پەیڕۆڵ ئاڕاستەی وەزارەتی دارایی حكومەتی فیدڕاڵی دەكرێت و لە ئەگەری روونەدانی هیچ پێشهاتێك لیستی مووچە رەوانە دەكرێت و هەوڵەكانیش بۆ دابەشكردنی مووچە پێش جەژنی رەمەزان بەردەوامن.
