پاش راگەیاندنی خشتەی مووچەی مانگی دوو، بڕیارە ئەمڕۆ چەند وەزارەتێك مووچەكانیان وەربگرن.
بەپێی خشتەی مووچە بۆ مانگی شوبات، ئەمڕۆ هەریەكە لە وەزارەتەكانی شەهیدان و ئەنفالكراوان، پەروەردە، دارایی و ئابوری، دەستەی دەستپاكی و وەبەرهێنان و ژینگە، دەزگای مین، ناوچەكانی دەرەوەی هەرێم، كۆمیسیۆنی باڵای هەڵبژاردنەكان و دیوانی چاودێریی دارایی مووچە وەردەگرن.
هەر لەپێی خشتەكەی وەزارەتیی دارایی و ئابوری هەرێم، مافی مرۆڤ، ئاوەدانكردنەوە و نیشتەجێكردن، تەندروستی، ناوخۆ، داد و ئەنجومەنی دادوەری، پلاندان، بازرگانی و سامانە سروشتییەكان، گواستنەوە و گەیاندن، كشتوكاڵ و سەرچاوەكانی ئاو و شارەوانی و گەشتوگوزار مووچەیان پێدەدرێت.
لە پێنجشەممەی رابردووەوە وەزارەتی دارایی و ئابوری هەرێم دەستی بە دابەشكردنی مووچەی مانگی دوو-ی مووچەخۆرانی هەرێم كردووە و سبەی سێشەممە كۆتا وەزارەتەكانی هەرێم مووچەیان پیدەدرێت.
