بافڵ جەلال تاڵەبانی، سەرۆكی یەكێتیی نیشتمانیی كوردستان بە یاوەری دلێر سەید مەجید و قوباد تاڵەبانی، سەردانی شێخ جەعفەر شێخ مستەفا، لێپرسراوی ئەنجوومەنی پاراستنی بەرژەوەندییە باڵاكانی یەكێتیی نیشتمانیی كوردستانی كرد.
لە دیدارێكدا پێشهات و گۆڕانكارییە سیاسییەكانی هەرێمی كوردستان، عێراق و پەیوەندییەكانی هەرێمی كوردستان و بەغداد تاوتوێكران و جەخت لە هەماهەنگیی لایەنە كوردستانییەكان كرایەوە بۆ گەیشتن بە حكومەتێكی خزمەتگوزار لە بەرژەوەندیی خەڵكی كوردستان و چارەسەكردنی كێشەكان و پاراستنی سەقامگیری و بەهێزتركردنی قەوارەی هەرێمی كوردستان.
