كەمێك پێش ئێستا دیاردەیەكی گەردوونی لە بەشێكی وڵاتانی جیهان دەستیپێكرد و ماوەی شەش كاتژمێریش دەخایەنێت.
بەپێی زانیارییەكانی ئاژانسی نیشتیمانی بۆ فڕینەكانی بۆشایی ئاسمانی ئەمریكا (ناسا)، ئەمڕۆ هەینی مانگگیران روودەدات و ماوەی شەش كاتژمێر دەخایەنێت و مانگگیرانی تەواویش بۆ ماوەی كاتژمێرێك بەردەوام دەبێت.
ئاماژەی بەوەشكردووە، ئەم رەنگی سوری مانگە بەهۆی شكاندنی تیشكی خۆرەوەیە لە بەرگەهەوای زەویدا و دانیشتوانی وڵاتانی ئەمریكای باكوور و باشوور، ئەوروپای رۆژئاوا، رۆژئاوای ئەفریقیا و زەریای هێمن دەتوانن سەرجەم قۆناغەكانی مانگگیرانەكە بە روونی ببینن.
