نرخی زێڕ لە بازاڕەکانی جیهان بەرزبوونەوەی بەرچاوی بەخۆیەوە بینی دوای ئەوەی بەیانی ئەمرۆ نزیکەی 50 دۆلار بۆ هەر ئۆنسەیەک بەرزبووەوە و نوێنەری زەڕەنگەرانی سلێمانی دەڵێت، “بەرزبوونەوەکە مێژووییە.”
ئەمڕۆ شەممە، لە بازاڕە جیهانییکان، ئۆنسەی زێڕ گەیشتە 2082 دۆلار و 65 سەنت و کیلۆیەک بەرامبەر بە 66 هەزار و 950 دۆلارە و گرامێکیش بەرامبەرە بە 66 دۆلار و 96 سەنت.
دلێر تاهر نوێنەری زەڕەنگەرانی شاری سلێمانی لە لێدوانێکی تایبەت بە تۆڕی میدیایی ئێستا رایگەیاند، نرخی زێڕ بەرزبوونەوەی بەرچاوی تۆمارکردووە.
لەبارەی نرخی مامەڵەی زێڕ لە بازاڕەکانی هەرێم رایگەیاند، ئەمڕۆ هەر مسقاڵێک زێڕ بە گوێرەی عەیارەکەی بەم جۆرە مامەڵەی پێوە دەکرێت:
مسقاڵێک زێڕی عەیاری 21 بە 292 دۆلار دەکڕدرێتەوە
مسقاڵێک زێڕی عەیاری 18 بە 250 دۆلار دەکڕدرێتەوە
مسقاڵێک زێڕی عەیاری 24 بە 333 دۆلار دەکڕدرێتەوە
یەک لیرەی رەشادی دووبەی بە 446 دۆلارە.
