پزیشكێكی پسپۆڕی نەشتەرگەرییە گشتییەكان گرنگی وەرزشكردن لە مانگی رەمەزان رووندەكاتەوە.
د.سەلیم سەعید زەنگەنە راوێژكاری نەشتەرگەرییە گشتییەكان رایگەیاند، نەبوونی جووڵە و وەرزش نەكردنی تاك بڕیاردانە بۆ بەرەو مەرگێگی لەسەرخۆ و لە مانگی رەمەزانیشدا وەرزشكردن كۆمەڵێك سوودی تایبەت بەخۆی هەیە.
وتیشی، “وەرزشكردن پێویستییەكی سەرەكییە و نابێت هیچ كەسێك بە هۆی مانگی رەمەزانەوە دەستی لێهەڵبگرێت و بەڵكو لەم مانگەدا بەهۆی بەرۆژووبوونەوە كاریگەرییە ئەرێنییەكانی وەرزشكردن زیاتر دەبن، بەڵام بەلەبەرچاوگرتنی دۆخی تەندرووستی كەس و رێنماییە تەنروستییەكان”.
ئاماژەی بەوەشكردووە، لە شەواندا و لەمانگی رەمەزانی پیرۆزدا رۆشتن یەكێكە لە وەرزشە زۆر گرنگەكان، بەڵام بەهۆی نەخواردنی سەرچاوەكانی وزە، ئاو و ڤایتامینەكانەوە، ئەنجامدانی وەرزش بەمانگی رەمەزان و لەمیانەی بەڕۆژووبووندا كارێكی مەترسیدارەچونكە جەستە بەتەواوەتی شەكەت دەبێت و پەستانی سەر گورچیلەكان چەند هیندە دەبن.
