وەزارەتی دارایی و ئابوری هەرێم ڕایگەیاند، کۆبوونەوەیەک لە نێوان وەزارەتەکەیان و وەزارەتی پێشمەرگە کراوە بۆ یەکخستنی میلاکاتی هێزەکانی 70 و 80 .
سەرلەبەیانی ئەمرۆ دووشەممە بەرواری 8ی ئازار، وەزیری دارایی و ئابوری ئاوات جەناب نوری لە دیوانی وەزارەت پێشوازی لە شۆڕش ئیسماعیل وەزیری پێشمەرگە كردووە و لە میانی كۆبوونەوەكەدا وەزیری دارایی باسی لە گرنگی پرۆژە یاسایی 2021 كردووە و لەو چوارچێوەیەشدا یەكخستی میلاكاتی هێزەكانی 70 و 80 بوون.
لە كۆبوونەوەكە هەریەك لە فەریق جەبار یاوەر مەندە، ئەمینداری وەزارەتی پێشمەرگە و دكتۆر عەبدولحەكیم خەسرەو، سەرۆكی فەرمانگەی هەماهەنگی و بەدواداچوون لە ئەنجومەنی وەزیران و چەندین پلەدار و ئەفسەری هێزەكانی 70 و 80 بەشداری بوون.
شۆڕش ئیسماعیل وەزیری پێشمەرگە، هەوڵەكانی لایەنەکانی بە گرنگ زانیووە تا لە چوارچێوەی پرۆژە یاسایی بودجەی ساڵی 2021 میلاكاتی هێزەكانی 70 و 80 دیاری بكرێت و یەكبخرێت.
