جەبار گۆران وتەبێژی بازاڕی دۆلارەکە رایگەیاند، لەم ماوەیەدا نرخی 100 دۆلار لەنێوان 146 هەزار بۆ 150 هەزار دینار دەبێت، بەڵام زەحمەتە بێتە خوار 145 هەزار دینار.
جەبار گۆران لە لێدوانێکدا رایگەیاند، لەم ماوەیەدا نرخی 100 دۆلار لەنێوان 146 هەزار بۆ 150 هەزار دینار دەبێت، بەڵام زەحمەتە بێتە خوار 145 هەزار دینار، ئەگەر تەنانەت بێتە ئەو نرخەش بەزوویی بەرزدەبێتەوە.
ئاماژەی بەوەشکرد، دەبێت کەلێنكێک لەنێوان نرخی بانکی و نرخی بازاڕەکانی دۆلار هەبێت، چونکە لەم کاتەدا بانکی ناوەندی دەیەوێت زۆرترین بڕی دینار راکێشێتەوە ناو بانکەکان، ئەگەر بێت و نرخی بانک و ناو بازاڕی دۆلار نزیکبن لەیەکەوە، رەنگە جارێکی دیکە حەواڵەی بانکی لەلایەن بازرگانەکانەوە پاشەکشەبکات و بازرگانان رووبکەنەوە ناو بازاڕەکان.
