نوخشە ناسیح، قائیمقامی ناوەندی پارێزگای هەڵەبجە لەبارەی رووداوەکەی شەوی رابردووی ئەو پارێزگایە، پەیامێکی بڵاوکردەوە.
لە پەیامەکەی نوخشە ناسیح-دا هاتووە، “لە رووداوێکی هاتوچۆدا لەسەر رێگای دووسایدی حمەوخان بەرامبەر نەخۆشخانەی منداڵان کە لەنێوان پێنج ئۆتۆمبیلدا روویدا، بووە هۆی گیانلەدەستدانی دوو گەنج و برینداربوونی چواری دیکە”.
دەشڵێت، “بەم بۆنە خەمناکەوە بەناوی قائیمقامیەتی پارێزگای هەڵەبجەوە پرسە و سەرەخۆشیی خۆمان ئاراستەی کەسوکاری هەردوو خوالێخۆشبوو (بەڕێز نەجمەدین فەتاح) و (ڕێبین سەرواز جەبار) دەکەین، کە لە رووداوەکەدا گیانیانسپارد، خوای گەورە سەبوریی دڵی ماتەمیان بدات و هیوای زووچاکبوونەوەش بۆ بریندارەکان دەخوازین”.
