خامنەئی جارێكی دیكە بەشێوازێكی جیاواز هەڕەشە لە ترەمپ دەكات و ڕایدەگەیەنێت، تۆڵەی كوشتنی قاسم سولەیمانی دەكەنەوە.
عەلی خامنەئی، ڕابەری باڵای شۆڕشی ئیسلامی ئێران شەوی ڕابردوو 21ی كانونی دووەم، لە تویتەری خۆی وێنەیەكی بڵاوكردووەتەوە كە كەسێك لەسەر گۆڕەپانێكی سەوز یاری گۆڵف دەكات و شێوەی لە ترەمپ دەچێت.
لەسەر وێنەكە نوسیویەتی، “پێویستە سزای ئەو كەسانە بدرێت كە فەرمانیان كرد بە كوشتنی جەنەراڵ سولەیمانی، هەروەها ئەوانەشی كە فەرمانەكەیان جێبەجێكرد، ئەو تۆڵەسەندنەوە بەدڵنیاییەوە ڕودەدات لە كاتێكی گونجاودا”.
لە تویتەكەدا ناوی ترەمپ یان هەر كەسێكی دیكە نەهاتووە.
🔻انتقام حتمی است
قاتل سلیمانی و آمر به قتل سلیمانی باید انتقامشان را پس بدهند.
اگر چه کفش پای سلیمانی هم بر سرِ قاتل او شرف دارد؛ اما بالاخره غلطی کردند، بایستی #انتقام پس بدهند؛ #هم_آمر_هم_قاتل بدانند که در هر زمان ممکن باید انتقامشان را پس بدهند.
۱۳۹۹/۰۹/۲۶ pic.twitter.com/i2DYpPSBhw— KHAMENEI.IR | سایت (@khamenei_site) January 21, 2021
ئەوەش لەكاتێكدایە، لەم مانگەدا خامنەئی تویتێكی دیكەی پۆست كرد و تیایدا وتی، “ناتوانین ڤاكسینەكانی ئەمریكا و بەریتانیا بەكاربهێنن ڕەنگە ئامانجیان بێت ژەهراویمان بكەن”.
بەڵام كۆمپانیای تویتەر پۆستەكەی سڕیەوە بە بیانوی ئەوەی، ڕێساكانی تۆڕە كۆمەڵایەتییەكەی پێشێل كردووە.
دیار نییە ئایا كۆمپانیاكە ئەم پۆستە هەڕەشەئامێزەی ڕابەری باڵای شۆڕشی ئیسلامی ئێران دەسڕێتەوە یان نا.
