محەمەد شیاع سودانی سەرۆك وەزیرانی عێراق لە توركیا لەگەڵ رەجەب تەیب ئەردۆغان سەرۆك كۆماری توركیا ژمارەیەك رێككەوتنی واژوو كرد و رایگەیاند، “رێگانادەین خاكی عێراق بۆ هێرشكردنە سەر هیچ وڵاتێك بەكاربهێندرێت”.
راشیگەیاند، پەیوەندییەكانمان لەگەڵ توركیا لە مێژینەن و عێراق و توركیا دوو گەلی دۆستن و دەمانەوێت رێككەوتنێكی دادپەروەرانە لە لە بواری ئاودا هەبێت.
وتیشی، “پەیوەندییەكانمان لەگەڵ توركیا ئەمنییە و چەند پڕۆژەیەك بە كۆمپانیاكانی توركیا دەسپێرین”.
