سەرۆكایەتیی شارەوانیی كفری رایدەگەیەنێت، كاركردن بۆ جیاكردنەوەی و ئامادەكردنی زەوییەكانی مامۆستایان و فەرمانبەرانی كفری بەردەوامە.
بەپێی راگەیەندراوێكی سەرۆكایەتیی شارەوانیی كفری كە وێنەیەكی دەست تۆڕی میدیایی ئێستا كەوتووە و تێیدا هاتووە، تێبینەرایەتيی تاپۆی كفری و فەرمانگەی ئاوی كفری بەبێ ماندووبوون بە شەو و رۆژ بەردەوامن لەپێناو تەواوكردنی كارەكانی زەوییەكانی كەرتی 9ی تلیشان تاوەكو ئامادەبكرێت بۆ دابەشكردنی بەسەر مامۆستایان، فەرمانبەران، خانەنشینان و هێزە ئەمنییەكاندا.
هەر لە راگەیەندراوەكەدا هاتووە، لە ئێستادا زۆربەی كارەكانی تەواوبووە كە پێكدێت لە نەخشەكێشان و ئیفراز كردن و رووپێوكردن و دانانی ژمارە بۆ سەرجەم زەوییەكان ئەمەش هەنگاوێكی گەورەیە بۆ تەواوكردنی ئەم زەوییانە دابەشكردنی ئەم زەوییانە بەسەر فەرمانبەران، مامۆستایان، خانەنشیان و هێزە ئەمنییەكان.
