وەزیری نەوتی عێراق، کاراکردنی دۆسیەی هەناردەکردنی نەوتی بەسرەی لەڕێگەی بەندەری جەیهانی تورکیاوە راگەیاند.
ئەمڕۆ پێنجشەممە، حەیان عەبدولغەنی، وەزیری نەوتی عێراق رایگەیاند، “بەمزووانە دۆسیەی هەناردەکردنی نەوتی بەسرە لەڕێگەی بۆریی نەوتی تورکیاوە بۆ بەندەری جەیهان کارادەکرێت و ئەگەری زیادکردنی هەناردەکردن لەڕێگەی ئەو بۆرییەوە هەیە”.
وتەکانی وەزیری نەوتی عێراق لەمیانەی سەرپەرشتیکردنی کۆبوونەوەیەکدا بوو بۆ تاوتوێکردنی کارەکانی لیژنەی هاوبەشی عێراق و تورکیا.
لە راگەیەندراوی وەزارەتەکەدا هاتووە، “لە میانەی دیدارەکەدا پرسەکانی ئاو، وزە و نەوت، پەروەردە، دەروازە سنوورییەکان و پەیوەندییەکان، ئاڵوگۆڕی بازرگانی، و مەلەفی وەرزشی و لاوان تاوتوێکران”.
