وەزیری کشتوکاڵی عێراق رایگەیاند، ساڵی رابردوو 700 هەزار تۆن خورما لە عێراقەوە هەناردەی دەرەوە کراوە.
ئەمڕۆ یەکشەممە، عەباس مالیکی، وەزیری کشتوکاڵی عێراق رایگەیاند، لە ساڵی رابردوودا بە قەبارەی 700 هەزار تۆن خورما لە عێراقەوە هەناردەی وڵاتانی دەرەوە کراوە.
ئاماژەی بەوەشداوە، زیادکردنی ئاستی هەناردەکردنی بەرهەمە کشتوکاڵییەکان لەپێناو بەهێزکردن و فرەچەشنکردنی ئابوری عێراقدایە.
هاوکات، لەکۆبوونەوەی نێوان شاندێكی وەزارەتی کشتوکاڵی عێراق و چەند کۆمپانیایەکی کشتوکاڵی ئەڵمانیدا، چەند داتا و راپۆرتێکی کشتوکاڵی خراوەتەڕوو، کە یەکێک لەوانە تایبەتبووە بە ئاستی هەناردەکردنی بەرهەمە کشتوکاڵییەکانی عێراق بۆ دەرەوە.
