سەرۆکی هەرێم رایگەیاند، “یەکێتی و پارتی بۆ پێکهێنانی کابینەی نوێی حکومەت لە گفتوگۆی جددیدان”.
نێچیرڤان بارزانی، سەرۆکی هەرێمی کوردستان رایگەیاند، “حکومەتی نوێی هەرێم بەبێ یەکێتی و پارتی پێکناهێندرێت”.
وتیشی، “ئەو دوو لایەنە بۆ پێکهێنانی کابینەی دەیەمی حکومەتی هەرێم لە گفتوگۆی جددیدان”.
لەبارەی پرسی دەستپێکردنەوەی هەناردەکردنەوەی نەوتی هەرێم، نێچیرڤان بارزانی رایگەیاند، “راگرتی نەوت زیانێکی زۆری لە عێراق دا، ئێستا تورکیاش ئامادەیە و چاوەڕێدەکەین لە ماوەیەکی نزیکدا نەوتی هەرێمی کوردستان رەوانەی بەندەری جەیهان و دەرەوە بکرێت”.
لە لێدوانێکی پێشووتریدا، سەرۆکی هەرێم رایگەیاند، “کۆتایی مانگی ئازاری ئەمساڵ پرۆسەی هەناردەکردنی نەوتی هەرێم دەستپێدەکاتەوە”.
