ئێوارەی ئەمڕۆ لە ڕوداوێکی هاتوچۆدا لەسەر ڕێگەی قەزای پێنجوێن دوو ئۆتۆمبیل بەیەکیاندا کێشا و کەسێک گیانی لە دەستدا و چەند کەسێکی دیکەش برینداربوون.
سەرچاوەیەک لە هاتوچۆی قەزای پێنجوێنەوە ئاشکرایکردووە کە ئەو کەسەی گیانی لە دەستداوە پیشەی پاسەوانی سنورە و پلەی ڕائیدە.
ڕوداوەکە لە نێوان ئۆتۆمبیلێکی بارهەڵگر و ئۆتۆمبیلێکی جۆری لاندکرۆزەر لە نزیک گوندی کەوڵۆس ڕویداوە و بەهۆیەوە شۆفێری لاندکرۆزەرەکە بەهۆی سەختی برینەکەیەوە گیانی لە دەستداوە.
دوای ڕوداوەکە بریندارەکان گواستراونەتەوە بۆ نەخۆشخانە و بەهۆی سەختی برینەکەیەوە کەسێک کە پلەی ڕائید بووە گیانی لە دەستداوە.
