نێچیرڤان بارزانی و هادی عامری کۆبوونەوەیەکیان دەربارەی بارودۆخی ناوچەکە ئەنجامدا.
ئەمڕۆ چوارشەممە، سەرۆکایەتیی هەرێمی کوردستان رایگەیاند، نێچیرڤان بارزانی سەرۆکی هەرێمی کوردستان، لەگەڵ هادی عامری ئەمینداری گشتیی رێکخراوی بەدر کۆبووەوە.
ئاماژەی بەوەداوە، لە چوارچێوەی کۆبوونەوەکەدا گفتووگۆ لەسەر دوایین پێشهاتی سیاسی و بارودۆخی گشتیی وڵات و ناوچەکە کراوە و پرسی چارەسەرکردنی کێشەی نێوان لایەنە سیاسییەکانی عێراق و پاراستنی یەکڕیزی نیشتیمانیی، بەشێکی دیکەی گفتووگۆی کۆبوونەوەکە بووە.
ئەوەش خراوەتەڕوو، هەردوولا جەختیان لە گرنگیی بەهێزکردنی دیالۆگ و لێکتێگەیشتنی نێوان هەرێم و بەغداد کردووەتەوە.
