وتەبێژی یەكێتیی خانەنشینانی كوردستان رایدەگەیەنێت، ئەو 100 هەزار دینارەی لە مووچەی خانەنشینان بۆ مانگی یەك بڕدرا تائێستا بڕیارنەدراوە بۆ مووچەی مانگی دوو خەرجبكرێت و دەشڵێت، “خەرجكردنی ئەو بڕە پارەیە بۆ مووچەی خانەنشینانی هەرێم پێویستی بە بڕیاری سەرۆك وەزیرانی عێراقە”.
سادق عوسمان، وتەبێژی یەكێتیی خانەنشینانی كوردستان لە لێدوانێكدا بە تۆڕی میدیایی ئێستای راگەیاند، بۆ مووچەی مانگی یەك بەشێك لە خانەنشینان 100 هەزار دینار لە مووچەكەیان بڕدراوە و بۆ مووچەی مانگی دوو هیچ بڕیارێك نییە خەرجبكرێت و چاوەڕواندەكرێت خانەنشینان هاوشێوەی مانگی یەك مووچەی مانگی دوویان بۆ خەرجبكرێت.
وتیشی، ” خەرجكردنی ئەو بڕە پارەیە بۆ مووچەی خانەنشینانی هەرێم پێویستی بە بڕیاری محەمەد شیاع سودانی سەرۆك وەزیرانی عێراقە”.
