ژمارەى دانیشتووانى هەرێمى کوردستان بەپێى ئەنجامی بنەڕەتیى سەرژمێریی گشتی لە عێراق ئاشكراكرا.
وەزارەتی پلاندانانی عێراق لە كۆنگرەیەكی رۆژنامەوانیدا ئەنجامی بنەڕەتیى سەرژمێریی گشتی ئاشكراكرد و رایگەیاند، ژمارەی دانیشتووان لە هەرێمی كوردستان شەش ملیۆن و 503 هەزار کەسە.
ئەوەشی خستەڕوو، ژمارەی دانیشتووانی هەرێمی كوردستان بە رێژەی 3% بەرزبووەتەوە و، دانیشتووانی هەرێم 15%ى دانیشتووانی عێراق پێكدەهێنن.
وەزارەتەکە ئاماژەشیدا، ژمارەیەك قەزا و ناحییەكان هەژمارنەكراون كە لەژێر دەسەڵاتی هەرێمی كوردستانن، بەڵام لەڕووی ئیدارییەوە سەر بە عێراقن.
