دەزگای ئاسایشی هەرێمی کوردستان رایدەگەیەنێت، پێنچ تۆمەتباریان لەسەر بڕیاری دادوەری لێکۆڵینەوە دەستگیرکرد.
دەزگای ئاسایشی هەرێم لە راگەیەندراوێکدا دەڵێت، ئەمڕۆ دووشەممە، بەڕێوەبەرایەتیی گشتیی نەهێشتنی ماددە هۆشبەرەکانی دەزگای ئاسایش، لەناو قەزای پێنجوێن لەسەر بڕیاری دادوەری لێکۆڵینەوەی ئاسایش، پێنج تۆمەتباریان دەستگیرکرد.
ئاماژەی بەوەشکرد، لەکاتی دەستگیرکردنیاندا، رووبەڕووبوونەوە لەنێوان هێزەکانی ئاسایش و ئەو پێنج تۆمەتبارە روویدا و لەئەنجامدا، یەکێک لە بازرگانەکان برینداربوو.
دەزگای ئاسایشی هەرێم دەڵێت، لەگەڵ دەستگیرکردنی تۆمەتبارەکاندا، دەست بەسەر بڕی چوار کیلۆگرام ماددەی هۆشبەریش لە جۆری کریساڵدا گیراوە و تۆمەتباران رووبەڕووی یاسا کرانەوە.
