وەزارەتی کارەبای حکومەتی هەرێم رایدەگەیەنێت، بەهۆی دابەزینی پلەکانی گەرماوە درەنگانی شەوی رابردوو، 1000 مێگاوات كارەبا کەمبووەوە.
وەزارەتی کارەبا لە راگەیەندراوەکەدا ئاماژەی بەوەکردووە، “بەهۆی دابەزینی پلەكانی گەرما لە كاتژمێر (2:00)ی شەو، گرفتێكی تەكنیكی لە كێڵگەی كۆرمۆر دروستبوو و كاریگەریی لەسەر هەناردەكردنی غاز بۆ وێستگەكانی بەرهەمهێنانی كارەبا بە بڕی 250 ملیۆن پێ سێجا هەبوو”.
دەشڵێت، بەمهۆیەوە، 1000 مێگاوات كارەبا کەمبووەوە.
وەزارەتەکە ئەوەشیخستووەتەڕوو، تیمەكانی وەزارەتی سامانە سروشتییەكان و وەزارەتی كارەبا سەرقاڵی چارەسەركردنی گرفتەكە و ئاساییكردنەوەی بارودۆخەكەن.
