وەزارەتی نەوتی عێراق داوای رادەستكردنی نەوتی هەرێم بە كۆمپانیای سۆمۆی نیشتمانی دەكات و دەشڵێت، “رێكارەكانی هەناردەكردنەوەی نەوتی هەرێم لە رێگای بەندەری جەیهانەوە تەواوبوون”.
بەپێی راگەیەندراوێكی وەزارەتی نەوتی عێراق تێیدا هاتووە، رێكارەكانی هەناردەكردنەوەی نەوتی هەرێمی كوردستان لە رێگای بەندەری جەیهانەوە تەواوبوون.
هەر لە راگەیەندراوەكەدا هاتووە، داوا لە هەرێمی كوردستان دەكرێت بڕی نەوتی بەرهەمهێندراو رادەستی كۆمپانیای بە بازاڕكردنی نەوتی عێراق (سۆمۆ) بكرێت.
بەپێی هەمواری یاسای بودجە پێویستە هەناردەی نەوتی هەرێم دەستپێبكاتەوە و رۆژانە بڕِی نەوتی بەرهەمهێندراو رادەستی كۆمپانیای سۆمۆی نیشتمانی بكرێت
