عەلی حەمە ساڵح، ئەندامی پەرلەمانی كوردستان رایدەگەیەنێت، بەغداد سێ داواكاریی نوێی ئاراستەی هەرێم كردووە و دەشڵێت، “مووچەی مانگی دوو دەنێردرێت و رەنگە كەمێك دوابكەوێت”.
راشیگەیاند، هەرێمی كوردستان 51 ملیار دینار داهاتی ناوخۆی ناردووە و بەغداد دوای داهاتی نەوت دەكات و لە هەمانكاتدا داوادەكات تەوتینی مووچەی مووچەخۆران بكرێت.
وتیشی، “پێویستە هەرێمی كوردستان بەپەلە بكات و هەناردەی نەوت لە رێگای سۆمۆوە دەستپێبكاتەوە ئەگەر نرخی نەوت لە بازاڕەكانی جیهاندا دابەزین بەخۆوە ببینێت گرفت بۆ مووچە دروستدەبێت”.
لەبارەی ناردنی مووچەوە، ئەو پەرلەمانتارە وتیشی، “مووچەی مانگی دوو دەنێردرێت و رەنگە كەمێك دوابكەوێت، بەڵام ئەگەر هەناردەی نەوتی هەرێم دەستپێنەكاتەوە ئەوە لە مانگەكانی داهاتوودا كێشە بۆ مووچە دروستدەبێت”.
